საქართველოში ნიკოლა სარკოზის ჩამოსვლა ქვეყნის ევროპასთან ურთიერთობის გაღრმავების მიზნით ხორციელდება. ამის შესახებ "ჯი-ეიჩ-ენს" ექსპერტმა საერთაშორისო საკითხებში ირაკლი მენაღარიშვილმა განუცხადა.
" მინდა გითხრათ, რომ ჩემი მოსაზრება ამ დროისთვის მხოლოდ ვარაუდის დონეზეა. სარკოზის ვიზიტი საქართველოს ევროპასთან დაახლოებას ემსახურება. ამ მხრივ გარკვეული პრობლემები გვაქვს და ეს ვიზიტი მაქსიმალურად უნდა გამოვიყენოთ, რათა სასურველი შედეგი მივიღოთ", - განაცხადა "ჯი-ეიჩ-ენთან" საუბრისას მენაღარიშვილმა.
მან კომენტარი გააკეთა რასმუსენის ვიზიტის შესახებაც და განაცხადა, რომ მისი ვიზიტი ჩრდილო-ატლანტიკური საბჭოს სხდომას უკავშირდება.
შეგახსენებთ, რომ მიმდინარე წლის შემოდგომაზე საქართველოში დაგეგმილია საფრანგეთის პრეზიდეტ ნიკოლა სარკოზისა და ნატოს გენერალური მდივნის ანდერს ფოგ რასმუსენის ვიზიტები საქართველოში.
