"დიმიტრი პავლიუჩენკოვმა აღიარებითი ჩვენების მიცემისას არ გამორიცხა, რომ ჟურნალისტის მკვლელობაზე შეკვეთა ჩეჩენ კრიმინალურ ავტორიტეტს ლომ-ალი გაიტუკაევს ბიზნესმენმა ბორის ბერეზოვსკიმ მისცა. ამ ვერსიის დადასტურებისგან ყოფილი მილიციონერის დაცვამ თავი შეიკავა, საგამოძიებო კომიტეტში კი იგი კომენტარის გარეშე დატოვეს", _ წერს გაზეთი.
თავად ბერეზოვსკი აღნიშნულ ვერსიას გაზეთთან საუბარში რუსეთში ამჟამად მიმდინარე პოლიტიკურ პროცესებს უკავშირებს.
რუსეთის ფედერაციის საგამოძიებო კომიტეტმა დაასრულა ჟურნალისტ ანა პოლიტკოვსკაიას მკვლელობაში ბრალდებული შს სამინისტროს ყოფილი პოლკოვნიკის დიმიტრი პავლიუჩენკოვის დაკითხვა და მისი ჩვენება გამოძიების ვერსიას დაემთხვა, წერს კომერსანტი.
მათივე ინფორმაციით, ჟურნალისტის მკვლელობა კრიმინალური ავტორიტეტის ლომ-ალი გაიდუკაევის ორგანიზებული იყო. ჯგუფში შედიოდნენ: ყოფილი მილიციონერი სერგეი ხაჯიყურბანოვი, ძმები ჯაბრაილ და რუსტამ მაჰმუდოვები და თავად დიმიტრი პავლიუჩენკოვი. სწორედ მან გაარკვია პოლიტკოვსკაიას მისამართი და დღის განრიგი.
გამოძიების ვერსიით პოლიტკოვსკაიას მკვლელობა განახორციელეს ამავე ადამიანებმა, ორგამიზატორი კი გაუდუკაევი იყო.
თვალთვალი ძმებ მაჰმუდოვებს ევალებოდათ, რომლებსაც დიმიტრი პავლიუჩენკოვმა საბრძოლოდ გადაკეთებული გაზის პისტოლეტი გადასცა.
დიმიტრი პავლიუჩენკოვის ვერსიით, პოლიტკოვსკაიას "ოპერაციის" მომზადებისას, თავდაპირველ ეტაპზე საუბარი მხოლოდ თვალთვალზე მიდიოდა, შემდეგ კი გაიდუკაევისგან მოვიდა მითითება: მკველობა ააუგვიანეს 7 ოქტომბრისა უნდა განხორციელდეს, ვლადიმერ პუტინის დაბადების დღისა, რომელიც მაშინ რუსეთის პრეზიდენტი იყო.
შეგახსენებთ, რომ "ნოვაია გაზეტას" მიმომხილველი, ჟურნალისტი ანა პოლიტკოვსკაია 2006 წლის 7 ოქტომბერს საკუთარი სახლის სადარბაზოში მოკლეს. მისი ცხედრის ახლოს "მაკაროვის" ტიპის პისტოლეტი და ოთხი ჰილზი აღმოაჩინეს. პირველივე ვერსიით მკვლელობა შეკვეთილი იყო, ვინაიდან განხორციელებული იყო ოთხი გასროლა, მათ შორის ერთი - თავში. გამოძიებამ იმთავითვე მკვლელობის ერთ ერთ ძირითად ვერსიად ჟურნალისტის საქმიანობა მიიჩნია.