საქართველოს პრეზიდენტი მიხეილ სააკაშვილი დარიალის ხეობაში, საქართველო-რუსეთის საზღვართან ახლადაგებული წმ. მიქაელ და წმ. გაბრიელ მთავარანგელოზთა სახელობის სამონასტრო კომპლექსის კურთხევას დაესწრო, სადაც პირველი წირვა სრულიად საქართველოს კათოლიკოს პატრიარქმა ილია მეორემ აღავლინა.
ილიაეორემ აღნიშნა, რომ ტაძარი გახდება ადგილი, სადაც ქვეყნის პრეზიდენტები ისაუბრებენ.
"მე და ჩვენ ყველანი ბედნიერნი ვართ, რომ ამ წირვას საქართველოს პრეზიდენტი, ბატონი მიხეილი დაესწრო და ეს ტაძარიც მიხეილის სახელობისაა და გილოცავთ ამ ბედნიერ დღეს. ვფიქრობ, რომ ამ ტაძარს სხვა მნიშვნელობაც აქვს, რადგან ის მდებარეობს საღვარზე რუსეთთთან. რუსეთის უმრავლესობა მართმადიდებელი ქრისტიანია და როდესაც ის აქ შემოვა და ტაძარს ნახავს, მიხვდება რომ შევიდა მართლმადიდებელ, მშვიდობიან ქვეყანაში. აქ შეიძლება მოხდეს მოლაპარაკლებები ქვეყნების მეთაურებისა. ვფიქრობ, რომ ამ ტაძარს ექნება ძალიან დიდი მნიშვნელობა ჩვენი ახალგაზრდობისათვის. ეს ტაძარი არის სიმაღლე მსგავსად იმისა როგორც იყო თავის დროზე თამარ მეფის ციხე-სიმაგრე. ეს ტაძარი სასწაულს გვიჩვენებს ჩვენ და ეს სასწაული გამოხარტება იმაში, რომ ჩვენი ქვეყნები ისევ მშვიდობიან ვითარებაში იქნებიან", - ბრძანა პატრიარქმა.
