ავტოსაგზაო შემთხვევა მოხდა საგარეჯოს რაიონის სოფელ ბადიაურში. სიღნაღიდან თბილისის მიმართულებით მოძრავი ავტობუსი, რომელსაც უცხოელი ტურისტები გადაჰყავდა, თბილისიდან თელავის მიმართულებით მოძრავ მიკროავტობუსს შეეჯახა. ავტოსაგზაო შემთხვევის შედეგად მიკროავტობუსში მყოფი 8 მგზავრიდან 7 დაშავდა. ორი მათგანის ჯანმრთელობის მდგომარეობა მძიმეა.
როგორც "ჯი-ეიჩ-ენს" კახეთის საინფორმაციო ცენტრიდან აცნობეს, დაშავებულები საგარეჯოს რაიონულ საავადმყოფოში მოათავსეს. ორი მათგანი კატასტროფის მედიცინის ცენტრმა თბილისში გადაიყვანა.
მომხდართან დაკავშირებით აღძრულია სისხლის სამართლის საქმე. გამოძიებას საპატრულო პოლიციის კახეთის სამმართველო აწარმოებს.
