მამობის დადგენის დროს ბავშვის ინტერესების გათვალისწინება სავალდებულო გახდება.
აღნიშნულთან დაკავშირებით ცვლილება "სამოქალაქო კოდექსში" შედის, რომელსაც ახალი ნორმა ემატება.
პარლამენტში ინიცირებული კანონპროექტის თანახმად, სასამართლოს შეუძლია უარი თქვას მამობის დადგენაზე, თუ ასეთი დადგენა ეწინააღმდეგება ბავშვის ინტერესებს.
ამასთან, დღეს მოქმედი ნორმის მიხედვით, მშობელთა ერთობლივი განცხადების არარსებობის შემთხვევაში, მამობა შეიძლება დადგინდეს სასამართლო წესით ერთ-ერთი მშობლის, ბავშვის მეურვის (მზრუნველის) ან იმ პირის განცხადებით, რომლის კმაყოფაზედაც იმყოფება ბავშვი, აგრეთვე თვით ბავშვის განცხადებით მის მიერ სრულწლოვანების მიღწევის შემდეგ.
საკანონმდებლო ინიციატივაში ბავშვის სრულწლოვანების მიღწევის შემდეგ აღნიშნული საკითხი კონკრეტდება. კერძოდ - სრულწლოვანების მიღწევის შემდეგ ბავშვის მამობის დადგენის თაობაზე განცხადების წარდგენის უფლებამოსილება მხოლოდ მას გააჩნია.
