დღეს, 16 დეკემბერს, სახალხო დამცველ გიორგი ტუღუშს პარლამენტში ელოდებიან.
საპარლამენტო ფრაქცია "ქრისტიან-დემოკრატების" წევრებთან შეხვედრაზე გიორგი ტუღუში 2009 წლის ანგარიშზე ისაუბრებს. სხდომა კითხვა-პასუხის რეჟიმში წარიმართება.
"ქრისტიან-დემოკრატები" აცხადებენ, რომ სახალხო დამცველის ანგარიში ობიექტურია, თუმცა მას შემდეგ რაც ისინი კონკრეტულ საკითხებზე განმარტებას თავად ომბუდსმენისგან მოისმენენ, ფრაქცია პარლამენტს სახალხო დამცველის მოსმენის შესახებ დადგენილების პროექტის საკუთარ ვარიანტს წარუდგენს.
"ყველამ უნდა ვაღიაროთ, რომ უზარმაზარი სამუშაოა ჩატარებული და პარლამენტში ახალი სახალხო დამცველის მიერ ობიექტური დასკვნაა წარმოდგენილი. ჩვენ ვაპირებთ ამ დასკვნის უფრო დეტალურად გაანაზილებას და მის კონტექსტში, პარლამენტისთვის ალტერნატიული დადგენილების პროექტრის შეთავაზებას", - აცხადებს გიორგი თარგამაძე.
თავად ტუღუშის განმარტებით კი, ის მზადაა ნებისმიერ დაინტერესებულ ფრაქციას ეწვიოს და ანგარიშის თაობაზე დეტალური ინფორმაცია მიაწოდოს.
