მწერალი ლაშა ბუღაძე მელიქიშვილის გამზირზე, კახა კალაძის საარჩევნო შტაბის გახნას ეხმიანება.

"რა ანთროპოლოგიური სურათი იყო დღეს ამ უბადრუკ პრეზენტაციაზე...

(წინასწარ ბოდიშს ვიხდი მსუბუქი არაკორექტულობისთვის):

გადაღრძუებულ-გაქუცული ყველაფრის მკადრებელი, მაგრამ უკვე არაფრის თავის მქონე ძელეცი კაცები...

პროსტიტუტ-ესკორტ-საცირკო იერის ქალები და კაცები - ზოგიერთების პირდაპირ ქცევა, ბიოგრაფია და მორალი რომაა ასეთი და არა მხოლოდ იერი...

მდაბიოობის ფსკერი რაღაცა ჯღარკავა - თავისი ჟესტითურთ, შუა-თითაწეული... მოსკოვის უნივერმაღ "ცუმის" ან "გუმის" პადვლებში გამოყვანილი სახეობა...

მთვრალი და დეგრადირებული ექს-დეპუტატი - ამ პრეზენტაციის ერთ-ერთი მთავარი ჩამშლელი სინამდვილეში - აბრამ ბაზელის ესთეტიკის და საბჭოური დროის მოდების ჟურნალის ყდის მზეჭაბუკი - ბურდა-მოდენ!..

15 წუთში შიშისგან გაქცეულ-გაპარულ სისველედ ქცეული კობახიძე...

დანით მორბენალი ტიტუშკები - სხვა რომ არავინ ყავთ დასაპატიჟებლად და ამ ასოციალურ ხინკალ-კაცებს რომ ეპატიჟებიან "საპატიო სტუმრებად".

პრინციპული მედროვეები!.. აი, ყოფილი ელჩი და აწ უდღეურად გაქოცებული საკრებულოს თავმჯდომარე ზურა აბაშიძე მაგალითად (კრებითი სახეც რომ არის თავისი უსახურობით), ქოცების დამგობიც ოდესღაც, როცა მისი ყოფილი პარტია ლაოკოონივით კაბელების საქმეში გააბა უდავმა...

იმ ჭრელი ნიფხავივით დაჭმუჭნული და დაძაბულობისგან გადაჭიმულ-გადაპრესილი კალაძე...

და რაც მთავარია, ხილულად დემოტივირებული პოლიცია...

რაზე დგას ეს ქოცი?

მაროშკინას მაღალქუსლიან დეზებზე თუ მანდატურ-მატიაშვილის მსგავს კორიდორის მარტორქაზე, ლეზბიანკებს რომ უძახის შვილიშვილის ტოლ ბავშვებს?!

ამათ როგორ უნდა გადაყვეს ამ ქვეყნის მომავალი?" - წერს ლაშა ბუღაძე.

შეგახსენებთ, დღეს მელიქიშვილის გამზირზე, სასტუმრო "საქართველოში" თბილისის მერობის კანდიდატის კახა კალაძის საარჩევნო შტაბი გაიხსნა. ღონისძიების პარალელურად საპროტესტო აქცია გაიმართა.