დღეს, 7 ივნისს, 17:00 საათზე, კულტურისა და ძეგლთა დაცვის სამინისტროს დარბაზში ღირსების ორდენით დაჯილდოების ცერემონიალი გაიმართება.
პროფესიული თეატრალური ხელოვნებისა და პროფესიული მუსიკალური ხელოვნების ხელშეწყობაში შეტანილი წვლილისათვის, წარმატებული პროექტების მხარდაჭერისა და კულტურის სამინისტროში ათობით წლის განმავლობაში ნაყოფიერი საქმიანობისათვის, ღირსების ორდენით ჯილდოვდებიან ხელოვნებისა და განათლების დეპარტამენტის დირექტორი იამზე გვათუა და ამავე დეპარტამენტის ხელოვნების სამმართველოს მთავარი სპეციალისტი ლიკა კოპალეიშვილი.
საქართველოს პრეზიდენტის მიხეილ სააკაშვილის 2011 წლის 20 აპრილის №20/04/10 განკარგულებით, იამზე გვათუასა და ლიკა კოპალეიშვილს ღირსების ორდენით კულტურისა და ძეგლთა დაცვის მინისტრი ნიკოლოზ რურუა დააჯილდოებს.
