სახალხო კრების ერთ-ერთი ლიდერის ნინო ბურჯანაძის მტკიცებით, პრეზიდენტი მიხეილ სააკაშვილი ქუთაისელებს ვერ იტანს. როგორც ბურჯანაძემ დღეს გამართულ პარლამენტის შენობის წინ აქციაზე გაანაცხადა, მაშინ როდესაც იგი ქუთაისის მაჟორიტარი იყო 2 წლის განმავლობაში საქართველოს პრეზიდენტი ადგილიდან "ვერ დაძრა" და ფიზიკურად ქუთაისში ვერ ჩიაყვანა, რომ მოსახლეობას შეხვედროდა.
"როგორ ფიქრობთ, ახლა გაუტყდა სიყვარულის ქოთანი ქუთაისელბის მიმართ? უბრალოდ, ქუთაისში პარლამენტის გადატანით სურს, საპროტესტო ცენტრი მოაშოროს დედაქალაქს, მაგრამ მინდა გითხრათ, რომ პარლამენტის შენობა იმ ადგილზე ვერ აშენდბა, რადგან იქ გრუნტის წყლებია და იმ შემთხვევაშიც კი, თუ მშენებლობა დასრულდება, რამდენიმე წელიწადში დაინგრევა", - აღნიშნა ბურჯანაძემ.
მისი თქმით, ქუთაისში პარლამენტის შენობის ასაშენებლად მხოლოდ მოსამზადებელი სამუშაოსთვის ბიუჯეტიდან 50 მილიონი ლარია გამოყოფილი.
ბურჯანაძე შეეხო ქუთაისში დიდების მემორიალის აფეთქებას და აღნიშნა, რომ უპასუხისმგებლო ბრძანებას დედა-შვილის სიცოცხლე შეეწირა.
"ის ადამიანი ვინც აფეთქებას ხელმძღვანელობდა, მართალია, დასაჯეს და ის დამნაშავეა, როგორც უკანონო ბრძანების შემსრულებელი, მაგრამ ყველაზე დიდი დამნაშავე ის არის, ვინც დაუფიქრებლად გასცა ბრძანება, რომ მემორიალი სასწრაფოდ აეფეთქებინათ", - განაცხადა ბურჯანაძემ.
მისი შეფასებით, საქართველოს პრეზიდენტი უმიზნოდ ხარჯავს თანხებს. მტკვარზე ხიდის მშენებლობას, რომელიც მხოლოდ საკუთარი სიამოვნებისთვის გააკეთა, 50 მილიონი ლარი დაახარჯა. მისი სასახლე 800 მილიონი ევრო დაჯდა, ხოლო უცხოელი მომღერლების ჩამოყვანისთვის და კონცერტების მოწყობისთვის ათობით მილიონს ხარჯავს.
