ირანში აცხადებენ, რომ დროებითი ცეცხლის შეწყვეტის შეთანხმების ფარგლებში ჰორმუზის სრუტეს არ გახსნიან. ინფორმაციას გამოცემა Reuters ირანელ მაღალჩინოსანზე დაყრდნობით ავრცელებს.
ირანელმა მაღალჩინოსანმა სააგენტოს განუცხადა, რომ ირანმა პაკისტანისგან სამშვიდობო წინადადება მიიღო და მას განიხილავს, თუმცა დროებითი ცეცხლის შეწყვეტის სანაცვლოდ ჰორმუზის სრუტის გახსნაზე უარს ამბობს.
მან დასძინა, რომ თეირანი უარყოფს ნებისმიერ ვადას ან ზეწოლას შეთანხმების მისაღწევად. წყაროს ცნობით, ირანი ასევე დარწმუნებულია, რომ აშშ არ არის მზად მუდმივი ცეცხლის შეწყვეტისთვის.
ეს არის თეირანის პასუხი პაკისტანის მიერ შემუშავებულ ჩარჩო გეგმაზე, რომელიც ითვალისწინებს საომარი მოქმედებების დასრულებას და შემდგომში სამშვიდობო შეთანხმების დადებას, რომელიც მან ასევე გადასცა შეერთებულ შტატებს ორშაბათს ღამით.
ისლამაბადი იმედოვნებს, რომ შეთანხმების დეტალები 6 აპრილს შეთანხმდება.
გეგმა ითვალისწინებს ცეცხლის დაუყოვნებლივ შეწყვეტას და ჰორმუზის სრუტის გახსნას, რასაც მოჰყვება ყოვლისმომცველი შეთანხმების მიღწევა 15-20 დღის განმავლობაში.
