14 მაისს, თბილისის ეთნოგრაფიულ მუზეუმში, ღვინის ფესტივალი გაიმართება.
ფერტივალის ორგანიზატორ "ღვინის კლუბის" ინფორმაციით, ფესტივალში მონაწილეობას მიიღებს თითქმის ყველა მსხვილი ღვინის კომპანია და რამდენიმე მცირე მარანი. ფესტივალზე, რომელიც უკვე მეორედ იმართება, უხვალ იქნება წარმოდგენილი ოჯახური ღვინოები საქართველოს სხვადასხვა რეგიონიდან.
"ღვინის კლუბის" ინფორნაციით, დეგუსტაციის წესით ორმოცზე მეტი ოჯახური მარანი შეირჩა, რომლებიც ფესტივალზე იშვიათი ქართული ვაზის
ჯიშის ყურძნისგან დაწურულ ღვინოებს წარმოადგენენ. კლუბში აცხადებენ, რომ ახალი ღვინის ფესტივალების ტრადიცია მეღვინეობით სახელგანთქმულ ყველა ქვეყანაში არსებობს. საქართველოში კი, ღვინის კლუბის ინიციატივით, პირველად გასულ წელს ჩატარდა და ათასობით ღვინის გურმანს უმასპინძლა.
ჯიშური მრავალფეროვნების გარდა წლევანდელი ფესტივალი ქვევრის ღვინის
სიუხვითაც იქნება გამორჩეული. ფესტივალის ერთ-ერთი მთავარი
შემეცნებით-გასართობი სანახაობა იქნება ქვევრის მოხდა და ჭაშნიკი
ეთნოგრაფიული მუზეუმის ერთ-ერთ ეზოში.
ღვინის ფესტივალის დეტალებთან დაკავშირებით, ხვალ, 11 მაისს, 12:00 საათზე თბილისის ეთნოგრაფიულ მუზეუმში, პრესკონფერენცია გაიმართება, სადაც ორგანიზატორები ახალი ღვინის ფესტივალის სამზადისის შესახებ ისაუბრებენ.
