აჭარის მთავრობა რეგიონში ციტრუსების მიმღები პუნქტების მოსაწყობად აქტიურ მუშაობას იწყებს. ციტრუსის სეზონის დაწყებამდე, აჭარის ფინანსთა და ეკონომიკის სამინისტრო, რამოდენიმე ობიექტი პირობებიან აუქციონზე გამოიტანა, რათა სეზონის დაწყებამდე შესაბამისი პუნქტების მოწყობა მოეწყოს, თუმცა პურველად აუქციონზე მხოლოდ ერთი ობიექტი გასხვისდა.
როგორც სააგენტო „ჯი-ეიჩ-ენს" ფინანსთა და ეკონომიკის სამინისტროდან აცნობეს, პირობებიან აუქციონზე უკვე გასხვისდა ხელვაჩაურში, სოფელ თხილნარში მდებარე 290 კვ.მ შენობა-ნაგებობა და მასზე მიმაგრებული 500 კვ.მ არასასოფლო-სამეურნეო დანიშნულების მიწის ნაკვეთი, რომელიც ფიზიკურმა პირმა დავით დევაძემ 7200 ლარად შეიძინა.
პირობების თანახმად, ინვესტორი ვალდებულია, აღნიშნულ ტერიტორიაზე 15 სექტემბრამდე ციტრუსების და სხვა ხეხილის დაფასოება, დახარისხების, მიმღები პუნქტი მოაწყოს, რომლის წარმადობაც საათში არანაკლებ 3 ტონა იქნება. იმავდროულად, მფლობელი ვალდებულია პრივატიზებულ ობიექტს, მიმღები პუნქტის ამოქმედებიდან მომდევნო 5 წლის განმავლობაში პროფილი შეუნარჩუნოს.
