მთავრობა ბიზნესთან მორიგ დათმობაზე მიდის. ფინანსთა სამინისტროს უკვე მზად აქვს "საგადასახდო კოდექსში" შესატანი ცვლილებები, რომლის მიხედვითაც, პორტებში გემებისათვის გაწეული მომსახურება დღგ-ს ორმაგი დაბეგვრისაგან გათავისუფლება.
კანონპროექტის მიღების მიზანია აგრეთვე ცარიელი სატრანსპორტო
საშუალების უკან გატანისას, როგორც სატრანსპორტო, აგრეთვე დატვირთვის, გადმოტვირთვის და შენახვის მომსახურების დღგ-საგან გათავისუფლება.
„საგადასახდო კოდექსში" შესატანი ცვლილების მიხედვით, ჩათვლის უფლებით დღგ-საგან გათავისუფლებულდება სატრანსპორტო გადაზიდვისას გამოყენებული ცარიელი სატრანსპორტო საშუალებების (მათ შორის, კონტეინერებისა და ვაგონების) საქართველოს ფარგლების გარეთ გაგზავნის (დაბრუნების) მიზნით გაწეული სატრანსპორტო მომსახურება.
პროექტის მიხედვით კი, აღნიშნულ შემთხვევაში ჩათვლის უფლებით დღგ-ისაგან თავისუფლდება აგრეთვე დატვირთვის, გადმოტვირთვის და შენახვის მომსახურებაც;
დღეს არსებული რეგულაციით, გემებისთვის გაწეული მომსახურებები ორჯერ იბეგრებოდა, კერძოდ გემი როდესაც ყიდულობდა პორტში შემოყვანის მომსახურებას, იხდიდა დღგ-ს 18%-ს, რომელსაც ვერ ითვლიდა, რადგანაც საგადასახადო კანონმდებლობის შესაბამისად, დღგ-ს გადამხდელი არ იყო.
ამასთან, გემის მიერ გაწეული მომსახურების საფასური, მათ შორის დღგ-ს თანხა საქონლის სატარიფო ღირებულებაში შეიტანებოდა და მომსახურეობა ორმაგად იბეგრებოდა.
