"კონსერვატიული პარტიის" წევრები სანდრო გირგვლიანის მკვლელობის საქმის ხელახლა გამოძიებასა და აღნიშნულთან დაკავშირებით სპეციალური კონისიის შექმნას მოითხოვენ.
როგორც დღეს გამართულ ბრიფინგზე "კონსერვატორებმა" განაცხადეს, აუცილებელია გამოძიების განახლება და დამნაშავეების დასჯა.
"ასევე უნდა შეიქმნას სპეციალური კომისია, რომელიც გამოძიების პროცესში ჩაერთვება", - აღნიშნავენ "კონსერვატორები".
სტრასბურგის სასამრთლომ სანდრო გირგვლიანის საქმეზე გადაწყვეტილება 26 აპრილს გამოიტანა. ევროპულმა სასამართლომ არ ცნო კონვენციის სამი მუხლის დარღვევა და გადაწყვეტილებაში დააფიქსირა, რომ საქართველოს სახელმწიფო არ არის პასუხისმგებელი სანდრო გირგვლიანის სიცოცხლის ხელყოფის ფაქტზე. ასევე, სასამართლომ არ მიიჩნია, რომ განმცხადებლები წამებისა და არაჰუმანური მოპყრობის მსხვერპლნი გახდნენ.
ევროსასამართლომ დარღვევა დაადგინა ეროვნულ დონეზე წარმოებულ გამოძიებაში არსებულ ხარვეზებზე. განმცხადებლები მორალური ზიანის ანაზღაურებისთვის 300 000 ევროს ითხოვდნენ. სტრასბურგმა სახელმწიფოს 50 000 ევროს გადახდა დააკისრა. გადაწყვეტილება ძალაში სამი თვის შემდეგ შევა.
