აზერბაიჯანში თურქეთის ელჩს იმედი აქვს, რომ აშშ-ის პრეზიდენტი ბარაკ ობამა კონგრესში ყოველწლიური გამოსვლისას სიტყვა "სომეხთა გენოციდს" არ გამოიყენებს. ელჩის თქმით, "სომეხი ხალხის გენოციდი მოგონილი თარიღია".
"აშშ-ის პრეზიდენტი საკმაოდ ნათლად მოაზროვნე ადამიანია. ვფიქრობ, იგი ამ სიცრუეს მნიშვნელობას არ მიანიჭებს ", _განუცხადა ჟურნალისტებს თურქეთის ელჩმა აზერბაიჯანში ხულუსი კილიჯმა.
შეგახსენებთ, სომხური ლობი ამტკიცებს, რომ თურქეთის წინამორბედმა ოსმანთა იმპერიამ 1915 წელს ანატოლიაში მცხოვრები სომეხი მოსახლეობის წინააღმდეგ გენოციდი განახორციელა. სომხებმა, რომლებიც მთელ მსოფლიოში ამ ფაქტის აღიარებას მოითხოვენ, ზოგიერთი ქვეყნის პარლამენტის დონეზე მის აღიარებას მიაღწიეს.
