რუსეთს ვაჭრობის მსოფლიო ორგანიზაციაში გაწევრიანება საქართველოს თანხმობის გარეშეც შეუძლია. ეს განცხადება დღეს სოხუმში მყოფმა რუსეთის საგარეო საქმეთა მინისტრმა სერგეი ლავროვმა აფხაზ სეპარატისტთა ლიდერთან სერგეი ბაღაფშთან გამართული მოლაპარაკებების შემდეგ გააკეთა.
"არ მინდა ჩავუღრმავდე დეტალებს იმის შესახებ, თუ კონკრეტულად რა გზები არსებობს რუსეთის ვაჭრობის მსოფლიო ორგანოზაციაში გაწევრიანებისათვის საქართველოს თანხმობის გარეშე. შემიძლია ვთქვა მხოლოდ ერთი რამ: ეს შესაძლებლობები დამყარებულია იმ პრინციპებზე, რომლებითაც მოქმედებს ვაჭრობის მსოფლიო ორგანიზაცია", - განაცხადა ლავროვმა სოხუმში.
შეგახსენებთ, რომ რუსეთი ვაჭრობის მსოფლიო ორგანიზაციაში გაწევრიანებას 1993 წლიდან ცდილობს.
