მსგავსი მაკონტროლებელი ორგანოს შექმნის შესახებ აშშ-ის პრეზიდენტმა ბარაკ ობამამ ნევადას შტატის ქალაქ რინოს ამომრჩევლებთან შეხვედრისას განაცხადა. ამერიკის ლიდერის სიტყვებით, აშშ-ის იუსტიციის სამინისტრო ნავთობის ბაზარზე ფინანსური მაქინაციის შემთხვევების "აღმოფხვრას" ცდილობს. მეტიც, აშშ-ის გენერალური პროკურორი ერიკ ჰოლდერი სამინისტროს შემადგენლობაში შესაბამის სამუშაო ჯგუფს უკვე ჩამოაყალიბებს.

აშშ-ის პრეზიდენტის თქმით, ნავთობის ფასის მატებასთან დაკავშირებით სამუშაო ჯგუფი "მოვაჭრეთა და გადამყიდველთა როლის" გამოკვლევითაა დაკავებული.

"ჩვენ დარწმუნებულნი უნდა ვიყოთ, რომ ამერიკის მოსახლეობის ხარჯზე ვერავინ ისარგებლებს და საკუთარ ეგოისტურ მოკლევადიან მიზნებს დამალავს", _ განაცხადა ობამამ.

ახლო აღმოსავლეთისა და ჩრდილოეთ აფრიკის, კერძოდ, ლიბიაში შექმნილი სიტუაციის გათვალისწინებით, ასევე, ჩინეთის მზარდი მოთხოვნილებით, გასაკვირი არაა, რომ ნავთობზე ფასები განუწყვეტლივ მატულობს, _ აღნიშნავს Associated Press-ი.

ცნობისთვის, ამერიკაში 3,79 ლიტრი ბენზინის საშუალო ფასი 21 აპრილს 3,84 დოლარს შეადგენდა, რაც 30 %-ით მეტია, ვიდრე ერთი თვის წინანდელი ფასები, ამასთან, ნავთობის ფასი შარშანდელს დოლარით აღემატება.