ხუდონჰესის მშენებლობის შემდგომ ქვეყნის გენერაცია დამატებით 20 %-ით გაზრდება. ენერგეტიკისა და ბუნებრივი რესურსების მინისტრის ალექსანდრე ხეთაგურის თქმით, ინდურმა კომპანია "კონტინენტალ ენერჯიმ" ვალდებულება აიღო, რომ ხელშეკრულების გაფორმებიდან 90 დღის განმავლობაში, სახელმწიფო ბიუჯეტში, პროექტის მინიჭერბისათვის, 2 მლნ. დოლარი გადაიხადოს.
"ინვესტორი ვალდებულია ასევე, მშენებლობის ნებართვის გაცემიდან 6 წელიწადში ჰესის მშენებლობა დაასრულოს. ვიმედოვნებთ, რომ ამ წლის განმავლობაში კომპანია სხვადასხვა საფინანსო ინსტიტუტთან, თანხის მოსაზიდად მჭიროდ ითანამშრომლებს", - განაცხადა ენერგეტიკისა და ბუნებრივი რესურსების მინისტრმა.
ხეთაგურის განმარტებით, ჰესის მშენებლობისათვის წინასაპროექტო სამუშაოს შესრულება მიმდინარე წელს დაიწყება, ხოლო 2010 წელს ჰესის მშენებლობაც დაიწყება, რომელიც გრაფიკის მიხედვით 6 წელიწადში უნდა დასრულდეს.
მინისტრი აცხადებს, რომ პროექტის ღირებულება 1 მლრდ. დოლარი იქნება, თუმცა პროექტის დასრულების შემდგომ ქვეყანაში ელექტროენერგიის ფასის შემცირება მოსალოდნელი არ არის.
"ახალი ჰიდროელექტრო სადგურების მშენებლობით, ფასების სტაბილიზაციისკენ მივდივართ, თუმცა ელეტროენერგიის ფასების გაიაფება არის შეუძლებელი. ახალი ჰიდრელექტროსადგურების მშენებლობით ფასების სტაბილიზაცია უნდა უზრუნველვყოთ.
იაპონიაში განვითარებული მოვლენების შემდეგ, ატომური ელეტროსადგურებისადმი მიდგომა იქნება გადახედილი და აქცენტი ჰოდროელექტროსადგურების მშენებლობაზე გაკეთდება", - აღნიშნა მინისტრმა.
ხუდონჰესის სიმძლავრე 650 მგ/ვტ იქნება და პროექტის განხორციელების შემდეგ საქართელოს ელეტროენერგიის ექსპორტის გაზრდას მოახერხებს.