კანადის ხელისუფლების გადაწყვეტილებით, უახლოესი ორი წლის განმავლობაში კანადა იმ ქვეყნების სიას მიემატება, რომლებიც პლასტიკურ კუპიურებს უშვებენ.
თხელი პოლიმერული პლასტიკური ბარათი ერთდროულად რამდენიმე უპირატესობას ფლობს. პრაქტიკულად, მისი გაყალბება შეუძლებელია, იგი 4-5-ჯერ უფრო ხანგრძლივვადიანია და ქაღალდივით ადვილად არ ფუჭდება. პლასტიკური ბარათი წყლის, ზეთების, ოფლის, მტვრის ზეგავლენას არ ემორჩილება. გარდა ამისა, მისი გადამუშავება და ახალი კუპიურის შექმნა შეიძლება.
როგორც ავსტრალიური ორგანიზაცია Securency International-ის სპეციალისტები აცხადებენ, რომლებიც ფულის გამოშვების მიზნით ამ ტექნოლოგიების წარმოებით არიან დაკავებულნი, პლასტიკური ბარათი მიკროორგანიზმების გაჩენას აბრკოლებს, რადგან მის გლუვ ზედაპირზე ისინი "საზრდოს" ვერ ღებულობენ.
კანადური ფულის ერთეულს პოლიპროპილენისგან დაამზადებენ. უკვე ნოემბრიდან გამოჩნდება ყველაზე მოხმარებადი 100-დოლარიანი კუპიურა.
მომავალი წლის მარტიდან კი ბანკნოტებს 50-დოლარიანი შეემატება. ხოლო 2013 წლის ბოლოს პატარა ნომინალის ფულის ერთეული გამოჩნდება.
ჯერ კიდევ ცხრა წლის წინ პლასტიკური ბარათის პიონერი ავსტრალია იყო, მოგვიანებით მას ახალი ზელანდია, ნიკარაგუა, რუმინეთი, ვიეტნამი და კიდევ ორი ათეული სხვა სახელმწიფო შეუერთდა, რომლებიც ან მთლიანად გადავიდნენ პლასტიკურ სისტემაზე, ან ამ შესაძლებლობის ტესტირებას გადიან.