ხუდონჰესს ინდური კომპანია კონტინენტალ ენერჯი ააშენებს, - ამის შესახებ განცხადება პრემიერ-მინისტრმა ნიკა გილაურმა მთავრობის სხდომაზე გააკეთა. გილაურის თქმით კონტინენტალ ენერჯიმ პროექტის ტექნიკურ ეკონომიკური დასაბუთება უკვე დაასრულა და მთავრობა კომპანიასთან ჰესის მშენებლობასთან დაკავშირებით ხელშეკრულებას უახლოეს დღეებში გააფორმებს.
გილაური აცხადებს, რომ ხუდიონჰესის მშენებლობისთვს წინასაპროექტო სამუშაოების განხორციელება წელსვე დაიწყება, თუმცა 2012 წლის დასაწყისიდან უკვე უშუალოდ ჰესის სამშენებლო სამუშაობი განხორციელდება.
"ჩვენ დაახლოებით წელიწადნახევრის უკან ხელშეკრულება გავაფორმეთ ინდურ კომპანია კონტინენტალ ენერჯისთან, რათა ამ კომპანიას პროექტის ტექნიკურ ეკონომიკური დასაბუთება გაეკეთებინა: თუ რამნდენად შეიძლებოდა ხუდონის მშენებობა და რამდენად მომგებიანი პროექტი იქნებოდა კომერციული თვალსაზრისით დღევანდელი ეკონომიკის პირობებში. შესწავლა დასრულებულია და კონტინენტალ ენერჯისთან მიმდინარეობდა მოლაპარაკება და დღეს მთავრობის სხდომაზე ხელშეკრულების გაფორმების საკითხს განვიხილავთ, რომელიც უახლოეს დღეებში ინდურ კომპანიასთან გაფორდება" - განაცხადა ნიკა გილაურმა.
პრემიერ-მინისტრის თქმით, ხუდონჰესის სიმძლავრე 650 მეგავატი იქნება. მაშინ როდესაც მთავრობაში რამდენიმე ვარიანტი განიხილებოდა. პრემიერ მინისტრის თქმით ხუდონჰესის მშენებლობისათვის დაახლოებით 1 მილიარდი დოლარის ინვესტიციაა საჭირო.
"პროქტის განხორციელებისათვის 1 მილიარდ დოლარამეა საჭირო, რაც იქნება ერთ-ერთი დიდი საინვესტიციო პროექტი, რაც აქამდე განხორციელებულა" - განაცხაა ნიკა გილაურმა.