ძლიერმა ქარმა კახეთს გადაუარა. სტიქიამ ყველაზე მეტად ლაგოდეხის რაიონი დააზარალა. ქარმა სოფლებში სათბურებსა და ნათესებში ნარგავები დააზიანა.
გავრცელებული ინფორმაციით, რამდენიმე სოფელში ავარიულად გაითიშა ელექტროენერგია, რამდენიმე სახლს კი ქარმა სახურავი გადახურა.
მოგლეჯილია ხეები, რის გამოც ლაგოდეხი-თბილისის მაგისტრალზე, სოფელ კართუბანთან დროებით შეფერხებული იყო ტრანსპორტის გადაადგილება.
ძლიერმა ქარმა დააზიანა ყვარლის რაიონიც. ქარმა ყვარლის რაიონის ორ სოფლის საჯარო სკოლის სპორტულ დარბაზს სახურავი ახადა. ამჟამად მიმდინარეობს ზარალის დათვლა.