დღეს, 21 აპრილს, საქართველოს ახალგაზრდა იურისტთა ასოციაციის თავმჯდომარე თამარ ჩუგოშვილი და აშშ-ის ელჩი საქართველოში ჯონ ბასი გორს ესტუმრებიან.
"საია"-ს ინფორმაციით, ისინი ნახატებისა და მოკლე პიესების კონკურსში გამარჯვებულებს დააჯილდოებენ.
კონკურსი პროექტის "გენდერულ ძალადობასთან მიმართებაში იძულებით გადაადგილებულ პირთა ცნობიერების დონის ამაღლება, ინტეგრაცია და რეაბილიტაცია" ფარგლებში ჩატარდა.
მოზარდებს საკუთარ ნახატებში ოჯახში ძალადობის შედეგად გამოვლენილი პრობლემების ადამიანების ფსიქიკაზე ასახვა უნდა ეჩვენებინათ.
გამარჯვებული პიესის საშუალებით მოკლე სპექტაკლი დაიდგმება.
ნახატები და სცენარი პროექტის "გენდერულ ძალადობასთან მიმართებაში იძულებით გადაადგილებულ პირთა ცნობიერების დონის ამაღლება, ინტეგრაცია და რეაბილიტაცია" ფარგლებში საზოგადოების ცნობიერების ასამაღლებლად გამართული კამპანიის დროს იქნება გამოყენებული.
აღნიშნული პროექტი საქართველოში აშშ-ის საელჩოს მხარდაჭერით ხორციელდება.
