დღევანდელი დღე, 21 აპრილი პრეზიდენტ სააკაშვილის გადაწყვეტილებით უქმე დღედაა გამოცხადებული.
გადაწყვეტილება საპატრიარქოს, საკანონმდებლო ორგანოსა და მთავრობასთან კონსულტაციების შედეგად იქნა მიღებული.
დღეს მართლმადიდებლური სამყარო "დიდ ხუთშაბათს" აღნიშნავს.
ამ დღის უქმე დღედ გამოცხადება საქართველოში პირველად ხდება და აღნიშნულს საფუძვლად სვეტიცხოვლის ტაძარში დღეს დაგეგმილი მირონის კურთხევა დაედო, რომელსაც თავად პატრიარქი ჩაატარებს.
უნდა აღინიშნოს, რომ დღეს მრავალი კერძო საწარმო და რიგი საბანკო დაწესებულება ჩვეულ რეჟიმში მუშაობს.
