მსოფლიოში ყველაზე მსხვილმა ავტომობილების მწარმოებელმა კომპანია "ტოიოტამ" მუშაობა განაახლა. "ტოიოტას" ქარხანა 11 მარტს მომხდარი მიწისძვრისა და ცუნამის შემდეგ პირველად ამუშავდა.
როგორც კომპანიის წარმომადგენლები აცხადებენ, სრული წარმოება ამ ეტაპზე ვერ მოხერხდება, რადგან ქარხანა გაჩერების შემდეგ სრულ მზადყოფნაში არ არის.
11 მარტის შემდეგ კომპანიამ 260 000 ავტომობილი დაკარგა. "ტოიოტას" ახალი ქარხანა მიიაგის პრეფექტურაში მდებარეობს. 11 მარტს მომხდარი ცუნამი ყველაზე ძლიერად სწორედ მიიაგის შეეხო, რის შედეგადაც პრეფექტურაში 8 400 ადამიანი დაიღუპა.
