აპრილის ბოლოს უკრაინა ახალი საზღვაო ტერმინალის პროექტის შემუშავებაზე განაცხადების მიღებას დაიწყებს. ახალი ტერმინალი თხევადი გაზისთვის იქნება გამოყენებული. ამ დროისათვის ტერმინალის ტექნიკურ-ეკონომიკური პროექტის შემუშავებაზე პრეტენზიას მსოფლიო დონის 34 კომპანია აცხადებს.
უკრაინული მედიის ინფორმაციით, შაც ზღვაზე შესაბამისი სახის ობიექტის მშენებლობით დაინტერესებულია საქართველო და აზერბაიჯანიც. მათი პროექტის რეალიზაციისათვის პირველ რიგში აუცილებელია 80 კმ. მილსადენის მშენებლობის დასრულება.
„ეს არ უკავშირდება დიდი დანახარჯებს და მასზე დიდი დრო არ დაიკარგება. თუმცა ისევე როგორც უკრაინული ტერმინალი ისიც რეალიზაციის პირველ ეტაპზე იმყოფება, რადგანაც არცერთ მათგანს არ გააჩნია ტექნიკურ-ეკონომიკური დასაბუთება"- განაცხადა ენერგეტიკული პროგრამების ცენტრ „ნომოსის" ხელმძღვანელმა მიხაელ გონჩარმა.
უკრაინელი სპეციალისტები მიიჩნევენ, რომ ყველა იურიდიული საკითხი უკრაინაში ტერმინალის მშენებლობასთან დაკავშირებით უახლოესი 2 კვირის განმავლობაში დასრულდება, რის შემდეგაც გამოქვეყნდება სატენდერო დოკუმენტაცია ტექნიკურ-ეკონომიკური დასაბუთების ტენდერის გამოსაცხადებლად.
