ქართული ენის დღესთან დაკავშირებით, არნოლდ ჩიქობავას სახელობის ენათმეცნიერების ინსტიტუტში ქართული ენის განმარტებითი ლექსიკონის მეორე ტომისა და "ჟურნალისტის ორთოგრაფიულ-სტილისტური ლექსიკონის" მეორე ნაწილის პრეზენტაცია შედგა.
ქართული ენის განმარტებითი ლექსიკონის მეორე ტომის მთავარი რედაქტორი პროფესორი ამირან არაბულია. "ჟურნალისტის ორთოგრაფიულ-სტილისტური ლექსიკონის" მთავარი რედაქტორი კი პროფესორი თამარ ვაშაკიძეა.
შეგახსენებთ, ლექსიკონის პირველი ნაწილი ზეპირ მეტყველებაში დაშვებულ ორთოგრაფიულ-სტილისტურ შეცდომებს შეეხებოდა.
