უახლოესი 12 წლის განმავლობაში თეთრი სახლი 400 მილიარდი დოლარის ეკონომიას სამხედრო და ნაციონალური უსაფრთხოების პროგრამების შემცირების ხარჯზე აპირებს.
აშშ-ის ნაციონალური უსაფრთხოების სამსახურის პრესცენტრში განმარტავენ, რომ სწორედ ეს იგულისხმა ბარაკ ობამამ ჯორჯ ვაშინგტონის უნივერსიტეტში ბიუჯეტთან დაკავშირებით საპროგრამო სიტყვით გამოსვლისას.
ობამამ განაცხადა, რომ აშშ-ის თავდაცვის მინისტრმა რობერტ გეიტსმა, მიმდინარე და სამომავლო ხარჯების თვალსაზრისით, ბოლო ორი წლის განმავლობაში 400 მილიარდი დოლარის ეკონომია შეძლო.
"დარწმუნებული ვარ, კიდევ ერთხელ ამის გაკეთება არ გაგვიჭირდება",_აღნიშნა ობამამ.
აშშ-ის ნაციონალური უსაფრთხოების სამსახურის ინფორმაციით, 2013 წლამდე თანხის ეკონომია შეიძლება, თუკი უსაფრთხოების სფეროში ხარჯების საბაზისო დონე ინფლაციაზე სწრაფად არ გაიზრდება.
უსაფრთხოებისთვის გათვალისწინებულ ხარჯებში იგულისხმება ასიგნებები არა მარტო პენტაგონის, არამედ_სხვა უწყებების ხაზითაც. მათ შორისაა, აშშ-ის ნაციონალური უსაფრთხოების სამინისტრო, სახელმწიფო დეპარტამენტი, ვეტერანთა საქმეების სამინისტრო, ასევე, აშშ-ის ენერგეტიკის სამინისტროს შემადგენლობაში არსებული ბირთვული უსაფრთხოების ნაციონალური სამმართველო.
ობამამ სიტყვით გამოსვლისას აღნიშნა, რომ ამ სფეროში კონკრეტულ საბიუჯეტო გადაწყვეტილებას მიიღებს. ამისთვის იგი რობერტ გეიტსისა და აშშ-ის შეიარაღებული ძალების კომიტეტის შტაბების ხელმძღვანელთა რჩევას გაითვალისწინებს.
