გურჯაანში ტურისტული კომპლექსის ასაშენებლად ფიზიკური პირი სულხან სულხანიშვილი, საბიუჯეტო სესხს მიიღებს. საბიუჯეტო სესხის მოცულობა 0,5 მლნ. ლარია.
სულხანიშვილს სესხი გამოეყოფა შემდეგი პირობებით: სესხით სარგებლობის მაქსიმალურ ვადა განისაზღვრება 5 წლით, საშეღავათო პერიოდი - ერთი წლით, სესხით სარგებლობის წლიური განაკვეთი - 8 პროცენტით, ხოლო სესხის მოთხოვნის უზრუნველყოფის საშუალებად განისაზღვრება მოქალაქე სულხან სულხანიშვილის საკუთრებაში არსებული, სოფელ ვეჯინში მდებარე უძრავი ქონება.
სულხანიშვილმა, გურჯაანის რაიონის სოფელ ვეჯინში ტურისტული კომპლექსის მშენებლობა უკვე დაიწყო, რისთვისაც 1 მლნ. დოლარის ინვესტიცია განახორციელა. ტურისტული კომპლექსი 70 ნომერზე იქნება გათვლილი და მასში სასტუმრო ნომრების გარდა კახური და ევროპული ტიპის დარბაზები განთავსდება, როგორც საკონფერენციოდ, ასევე რესტორნებისათვის. იგეგმება ასევე ტყეში კვადროტურებისა და საცხენოსნო ტურების მოწყობა.
კომპლექსის მშენებლობა 2012 წლისთვის დასრულდება.
