მენეჯმენტ კომპანია „დექსუსი"„ცენტრ პოინტ ინვესტის" კრედიტორების დაკმაყოფილებას განაგრძობს. კომპანიამ ახალი კონტრაქტი უკვე კრედიტორების თითქმის 50%-თან გააფორმა. თანხები ამ მომხმარებლებს ყოველი თვის 20 რიცხვში, საბანკო ანგარიშზე ერიცხებათ. „ცენტრ პოინტ ინვესტის" კრედიტორების დავალიანების გასტუმრებაზე მუშაობა „დექსუსმა" „ცენტრ პოინტის" მართვაში აღებისთანავე დაიწყო. კომპანიის დირექტორის გიორგი ქანანაშვილის განცხადებით, კრედიტორების დაკმაყოფილებაგეგმის მიხედვით, სტაბილურად გაგრძელდება.
„ინვესტის თემა ჩვენს მიერ შემუშავებული რეაბილიტაციის გეგმის მნიშვნელოვანი ნაწილია. ამ ადამიანების თითქმის ნახევარი ყოველთვიურად იღებს თანხას. ეს მაჩვენებელი კი იმ ეფექტური ნაბიჯების შედეგია, რომელიც კომპანიამ მომხმარებლებთან კომუნიკაციის კუთხით გადადგა. მუშაობა ამ მიმართულებით აუცილებლად გაგრძელდება. ჩვენი მიზანია ყველა მათგანმა მიიღოს ის თანხა, რომელიც თავის დროზე შპს „ცენტრ პოინტ ინვესტში"შეიტანა",-აღნიშნავს კომპანიის დირექტორი გიორგი ქანანაშვილი.
შპს „ცენტრ პოინტ ინვესტი" 2007 წელს „ცენტრ პოინტის" დამფუძნებლების მიერ დაარსდა. კომპანიის საქმიანობას ფიზიკური პირებისგან სესხების მოძიება და პროექტების ინვესტირება წარმოადგენდა. „დექსუსის" მიერ „ცენტრ პოინტის" ქოლგის ქვეშ გაერთიანებულ კომპანიათა ჯგუფის მართვაში გადაბარებამდე კრედიტორებისთვის საპროცენტო სარგებლის გაცემა პრაქტიკულად შეჩერებული იყო. „დექსუსის" მიერ შემუშავებულ რეაბილიტაციის გეგმაში ყველა კრედიტორის ეტაპობრივად დაკმაყოფილებაა გათვალისწინებული.
