რუსეთის ფედერალური ძალების წარმომადგენელთა მიერ დაღესტნის, სუნჟენსკის რაიონში ბლოკირებულმა ჩრდილოკავკასიელმა მებრძოლებმა, რომლებსაც სათავეში, სავარაუდოდ დოკუ უმაროვი ედგა, ალყის გარღვევა შეძლეს. ინფორმაციას ამის შესახებ რუსული მედია ინგუშეთის სპეცსამსახურებში არსებულ წყაროზე დაყრდნობით ავრცელებს.
წყაროს ინფორმაციით, მებრძოლების ჯგუფი, სავარაუდოდ ხუთი ადამიანიდან იყო შემდგარი და წინასწარი ინფორმაციით, მათ დოკუ უმაროვი ხელმძღვანებლობდა. მათ ისარგებლეს ბუნებრივი პირობებით და ალყის გარღვევა შეძლეს.
"მთაში ამჟამად თითქმის ყოველდღე მოდის წვიმა და ძლიერი ნისლი დგას. სამწუხაროდ, სრულფასოვანი ოპერატიულ-სამძებრო ღონისძიებების ჩატარება ამგვარ პირობებში პრაქტიკულად არარეალურია", _ აცხადებს წყარო.
შეგახსენებთ, რომ ინფორმაცია ჩრდილოკავკასიელი მებრძოლების ლიდერი დოკუ უმაროვის მკვლელობის შესახებ რუსეთის ფედერაციის ძალოვანმა სტრუქტურებმა უკვე რვაჯერ გაავრცელეს, თუმცა ინფორმაცია არც ერთხელ არ დადასტურებულა.
