დღეს, 14 აპრილს, 11:00 საათზე, საქართველოს ეკონომიკისა და მდგრადი განვითარების მინისტრი, ვერა ქობალია, საგამოფენო ცენტრ Expo Georgia-ში კავკასიის მე-13 საერთაშორისო ტურისტულ გამოფენას გახსნის.
მე-13 საერთაშორისო გამოფენა, სახელწოდებით "CTF 2011~, საქართველოს ეკონომიკისა და მდგრადი განვითარების სამინისტროს ტურიზმის ეროვნული სააგენტოსა და Expo Georgia-ს ორგანიზებით იმართება. გამოფენაში მონაწილეობენ სხვადასხვა ქვეყნის წარმომადგენლები, ქართული შემომყვანი ტუროპერატორები, სასტუმროები და სხვადასხვა სახის მომსახურების კერძო კომპანიები.
გამოფენაზე საქართველოს გარდა წარმოდგენილი იქნება აზერბაიჯანის, თურქეთის, უკრაინის, ბელორუსის, ირანის და ყაზახეთის სტენდები. წელს 55 საგამოფენო სტენდზე წარმოდგენილი იქნება 180 ორგანიზაცია.
