"საქართველოს ბანკი" ახალ სათავო ოფისში 2011 წლის შემოდგომაზე გათავსდება.
"საქართველოს ბანკის" ახალ სათავო ოფისში განთავსდება ბანკის 16 ადმინისტრაციული ერთეული, რაც საშუალებას მოგვცემს, უფრო ეფექტური სერვისი შევთავაზოთ ჩვენს მომხმარებელს, რაც პირდაპირ აისახება მომხმარებლის კიდევ უფრო ეფექტურად მომსახურებაში", - განაცხადა "საქართველოს ბანკის" გენერალურმა დირექტორმა ირაკლი გილაურმა
საქართველოს ბანკმა" 2007 წელს შეიძინა, ყოფილი საავტომობილო გზების დეპარტამენტის შენობა", რომელიც მდებარეობს გაგარინის ქუჩა #29ა-ში. ამ დროისთვის შენობაში მიმდინარეობს სარემონტო-სარეკონსტრუქციო სამუშაოები, რომელიც მიმდინარე წლის შემოდგომაზე დასრულდება.
შენობას, რომელიც 1975 წელს აშენდა და რომლის პროექტიც ეკუთვნის არქიტექტორებს გიორგი ჩახავასა და ზურაბ ჯალაღონიას, მინიჭებული აქვს არქიტექტურული ძეგლის სტატუსი. "საქართველოს ბანკმა" შეინარჩუნა არქიტექტურული ნიმუშის ყველა ძირითადი მახასიათებელი; მხატვრული კომპოზიცია, საშენი მასალები, ფერი, ფაქტურა. მაქსიმალურად შენარჩუნდა ფასადზე არსებული მწვანე საფარი, ამჟამად მიმდინარეობს შენობის ინტერიერის და ექსტერიერის სარემონტო სარეკონსტრუქციო სამუშაოები. ინტერიერის დიზაინი შემუშავებულ იქნა ახალგაზრდა არქიტექტორთა გუნდის მიერ. იგეგმება ინტერიერის აღჭურვა უმაღლესი სტანდარტებით.
შენობაში საქართველოს წამყვანი ფინანსური ინსტიტუტის განთავსება უამრავ ადამიანს შესაძლებლობას მისცემს შეხება ჰქონდეს ამ ღირსშესანიშნავ ნაგებობასთან და ეზიაროს ცნობილ არქიტექტურულ ძეგლს. შენობა იქნება ხელმისაწვდომი საზოგადოების ნებისმიერი წევრისთვის, მოხდება შენობის მოვლა და მომავალი თაობებისთვის შენარჩუნება.
