საგადასახდო ინსპექტორს აუდიტორი ცვლის. ახალი ინიციატივის თანახმად, კომპანიას საშუალება ეძლევა აირჩიოს ვინ შეამოწმოს: საგადასახადო ინსპექტორმა თუ აუდიტორმა. აუდიტორის მიერ ჩატარებული შემოწმება ბიზნეს გარკვეული თანხა დაუჯდება. იმავდროულად, აუდიტორული კომპანიების შემოწმების მხრიდან შემოწმებისას აღმოჩენილ დარღვევაზე კომპანია ჯარიმებისაგან ნაწილობრივ თავისუფლდება.
საგადასახდო სფეროში არსებული სიახლეები, დღეს პრემიერ-მინისტრმა ნიკა გილაურმა ბიზნესმენებს შემოსავლების სამსახურის უფროსთან ერთად გააცნო. პრემიერ-მინისტრი აცხადებს, რომ ახალი ინიციატივა მისაღები იქნება როგორც კერძო სექტორისათვის ასევე უშუალოდ აუდიტორული კომპანიებისათვის.
"კერძო სექტორთან ინტენსიურად ვიმუშავეთ და იმ პრობლემებს რაც ბიზნესს აწუხებს იდენტიფიცირება გავუკეთეთ. მიმაჩნია რომ პრობლემების გადასაჭრელად ბიზნესს ეფექტურ ვარანტს ვთავაზობთ. "ახალი კურსის" გამოცხადების შემდეგ კერძო სექტორს რამდენიმე ახალი ინიციატივა შევთავაზეთ. ნებისმიერი ის პრობლემა, რომელიც ბიზნეს შემოსავლების სამსახურთან ურთიერთობისას გააჩნია, გვინდა რომ გადავჭრათ. ცხადია ეს პრობლემა ერთ დღეში ვერ გადაიჭრება და ამას გარკვეული პერიოდი ესაჭიროება.
ახალი ინიციატივის თანახმად, კერძო კომპანიას შეუძლია მიმართოს სხვა აუდიტორულ თუ საკონსულტაციო კომპანიას, რომელსაც შესაბამისი ლიცენზია გააჩნია და მისგან საგადასახადო შემოწმება მოითხოვოს. თუმცა ამ აუდიტორულ კომპანიას შესაბამისი ქმედებების განსახორციელებლად შემოსავლების სამსახურისგან სპეციალირი ნებართვა უნდა ქონდეს აღებული. საუბარი, რომ საგადასახადო შემოვიდა და დაგვლუქა, პრობლემები შეგვიქმნა და ამის გამო გაყიდვები შეგვიმცირდა, - ასეთი ინფორმაციები საერთოდ მოისპობა. აუდიტორული კომპანიის შემოწმებული აქტი ჩაითვლება როგორც საგადასახადოს მიერ შემოწმებულ აქტად. პროექტი პირველ ეტაპზე შემდეგი 3-6 თვის განმავლობაში პილოტურ რეჟიმში განხორციელდება. თუმცა შემდგომ საგადასახადო შემოწმების განხორციელების საშუალება ყველა მსურველ აუდიტორულ კომპანიას მიეცემა", - განაცხადა საქართველოს პრემიერ-მინისტრმა.
შემოსავლების სამსახურის უფროსი აცხადებს, რომ საგადასახდ უფლებების დელეგირება აუდიტორულ ბიზნესსზე მნიშვნელოვანია, როგორც კერძო სექტორისათვის ასევე თავად შემოსავლების სამსახურისათვის, რათა ამ უკანასკნელმა საკუთარი ადამიანური რესურსი სხვა მიმართულებითაც გადაანაწილოს.
მთავრობა ამბობს, რომ საგადასახადო შემოწმებისათვის აუდიტორულ თუ საკონსულტაციო კომპანიებს ტარიფს არ განუსაზღვრავს და მას თავად ბაზარი განსაზღვრავს.
"შემოწმების ფასებს თავად ბაზარი განსაზღვრავს. როდესაც ბაზარზე იქნება რამდენიმე აუდიტორული და საკონსულტაცო კომპანია, მათ მიერ გაწეული მომსახურების ტარიფებს ბაზარი დაარეგულირებს, რადგანაც მათ შორის იქნება დიდი კონკურენცია. მთავრობა ფასს არ განსაზღვრავს", - აღნიშნა ნიკა გილაურმა.
იმავდროულად ცნობილი ხდება, რომ კერძო სექტორისათვის აუდოტორული კომპანიის მიერ ჩატარებული შემოწმება მომგებიანი იმ კუთხითაც, რომ ასეთ შემთხვევაში კომპანიას ყველა ჯარიმა არ დაერიცხება და ზოგიერთი ჯარიმის ჩამოწერა მოხდება.
პრემიერ-მინისტრის თქმით, აუდიტორული კომპანიების მიერ შემოწმებულ კომპანიებს ჯარიმების ნაწილი არ დაირიცხება.
"თუ კომპანიას აუდიტორი შეამოწმებს მას ჯარიმების ნაწილი ჩამოეწერება
თუ კომპანია შეამოწმებს საგადასახადო სამსახური მას ჯარიმა ჩვეულებრივად დაერიცხება. ჩვენ გვინდა, რომ მეტი მოტივაცია მივცეთ კერძო სექტორს, რათა ახალი ინიციატივა რაც შეიძლება მალე გამოიყენონ", - აღნიშნა პრემიერ-მინისტრმა.
თავად ბიზნესი მთავრობის შეთავაზებით კმაყოფილია. ბიზნეს ასოციაციის პრეზიდენტი ამბობს, რომ ამ გადაწყვეტილებით ბიზნესს საგადასახდო შემოწმებისათვის მეტი მოტივაცია მიეცემა და "ჩატეხილი ხიდიც" აღდგება.
"ჩემი აზრით მთავრობის მხრიდან წამოსული ინიციატივები ბიზნესისათვის ძალიან მნიშვნელოვანი ინიციატივაა, რაც საგადასახადო შემოწმებაში კერძო აუდიტორული კომპანიების ჩართულობას ითვალისწინებს. ბიზნესმენებს საგადასახადო ინსპექტორთან ურთიერთობა მაინცადამაინც არ სიამოვნებთ და ამ შემთხვევაში ბიზნეს შესაძლებლობა ეძლევა დაიქირავონ კერძო აუდიტორული კომპანიები. მათი შემოწმება აღიარებული იქნება შემოსავლების სამსახურის მიერ. ის უნდობლობა რომელიც საგადასახადოსა და ბიზნესის ურთიერთობაში იყო მინიმუმადე იქნება დაყვანილი და ბიზნეს ექნება შესაძლებლობა აუდიტორულ კომპანიებს მიმართონ", - აღნიშნა ბიზნეს ასოციაციის პრეზიდენტმა გიორგი ჭირაქაძემ.
ბიზნესასოციაციის პრეზიდენტი ამბობს, რომ საგადასახადო შემოწმებისათვის კერძო სექტორის ნაწილს დამატებითი ხარჯის გაწევა უღირს, თუ კი ეცოდინებათ რომ მათ მიერ უნდობლობა გამოცხადებულ საგადასახადო ინსპექტორებთან არ ექნებათ ურთიერთობა.
"ბევრ ბიზნეს ნამდვილად უღირს დამატებითი ხარჯის გაწევა. ბიზნესმენს, რომელსაც სახელმწიფის მიმართი უნდობლობა აქვთ აუდიტორულ კომპანიებთან იურთიერთობა ურჩევნიათ. მსხვილი კომპანიები ისედაც ქირაობდნენ აუდიტორული კომპანიების მომსახურებას და ცხადია მათ საგადასახადო შემოწმებისას მათთან ურთიერთობა უფრო გაუადვილდებათ", - აღნიშნა გიორგი ჭირაქაძემ.
ფინანსთა სამინისტროს ინფორმაციით, შემოსავლების სამსახური ბიზნესსექტორს სთავაზობს სიახლეს საგადასახადო შემოწმების კუთხით, რაც ითვალისწინებს დამოუკიდებელი აუდიტორული კომპანიების ჩართვას ამ პროცესში, რაც სახელმწიფოსა და კერძო სექტორს შორის თანამშრომლობისა და ნდობის ხელშეწყობისთვის ერთ-ერთი მნიშვნელოვანი ნაბიჯია.
ამიერიდან საგადასახადო რისკის დაფიქსირების შემთხვევაში, გადამხდელს ეცნობება შემოწმების თაობაზე და მას უფლება ექნება, თავად გადაწყვიტოს შემოწმება ჩაატაროს შემოსავლების სამსახურმა თუ დამოუკიდებელმა აუდიტორულმა თუ საკონსულტაციო კომპანიამ.
აღსანიშნავია, რომ გადამხდელს გარე აუდიტის მომსახურების შემთხვევაში, შემოწმებული პერიოდი შემოსავლების სამსახურშიც შემოწმებულ პერიოდად ჩაეთვლება. კერძო აუდიტორული ან საკონსულტაციო კომპანიის არჩევის შემთხვევაში, გადამხდელი აღმოჩენილი დარღვევის ჯარიმისგან ნაწილობრივ თავისუფლდება.
ერთი წლის განმავლობაში, დამოუკიდებელი აუდიტორული კომპანიები გადამხდელებთან იმუშავებენ თავისი მეთოდოლოგიით და შემოწმების პროცედურებით. ამ პერიოდში მუდმივმოქმედი კომისია, რომელიც დაკომპლექტდება შემოსავლების სამსახურის, აუდიტორული კომპანიების წარმომადგენლებისა და მოწვეული ექსპერტებისგან, შეიმუშავებს შემოწმების მეთოდურ სახელმძღვანელოს.