ტერაქტი მინსკის მეტროში გახსნილია, შემსრულებლები კი დაკავებულები არიან. ეს განცხადება დღეს ბელორუსის პრეზიდენტმა ალექსანდრე ლუკაშენკომ ტერაქტს გამოძიებისადმი მიძღვნილ თათბირზე გააკეთა.
"დღეს დილის 5 საათზე ეს დანაშაული გაიხსნა. ჩეკისტებსა და მილიაციამ ხოლოდ ერთი დღეღამე დასჭირდათ იმისათთვის, რომ გუშინ საღამოს 9 საათზე, ყოველგვარი ხმაურის გარეშე ბრძწყინვალი ოპერაცია ჩაეტარებინათ და ყოველგვარი სროლისა და ხმაურის გარეშე შემსრულებლები დაეკავებინათ. დღეს დილის 5 საათზე მათ გამოძიებად ჩვენება მისცეს. და რაც მთავარია, ჩვენ უკვე ვიცით, თუ ვინ და როგორ განახორციელა ეს ტერაქტი. ჯერ ჯერობით მხოლოდ არ ვიცით ის, თუ რატომ გააკეთეს მათ ეს, მაგრამ მალე ესეც მალე გახდება ცნობილი და ამის გაგება ჩვენი მთავარი ამოცანაა", _ აცხადებს სახელმწიფოს მეთაური.
პრეზიდენტმა ლუკაშენკომ ასევე აღნიშნა, რომ მადლობელია ყველა ძალოვანი სტრუქტურის წარმომადგენლისა ოპერატიული სამსახურის გამო.
"ანალიტიკოსებმა, გამომძიებლებმა, ექსპერტებმა ნათელი დანაშაულის ქრონოლოგია შეიმუშავეს და დაამუშავეს აუდიო და ვიდეო მასალის უზარმაზარი რაოდენობა და რაც მე განსაკუთრებით მახარებს, უხეშად რომ ვთქვათ, კაბინეტებიდან გამოუსვლელად გამოთვალეს თუ ვინ შეიძლებოდა ყოფილიყვნენ ეს ნაძირალები", _ აცხადებს ბელორუსის პრეზიდენტი და აღნიშნავს, რომ ამის შემდეგ მათი დაკავების აქტიური ფაზა დაიწყო.
"ეს ღირსეულია ცივილიზებული ერისათვის, როდესაც ტვინით სავსე ადამიანები, უპირველეს ყოვლისა ებრძვიან ურთულეს დანაშაულებებს. ჩემთვის, როგორც პრეზიდენტისათვის ეს მნიშვნელოვანია", _ აცხადებს ალექსანდრე ლუკაშენკო.
შეგახსნებთ, რომ 11 აპრილს საღამოს, მეტროსადგურ "ოქტიაბრსკაიაში" აფეთქება მოხდა. აფეთქების სიმძლავრე 5-7 კილოგრამი ტროტილის ექვივალენტი იყო. შედეგად გარდაიცვალა 12 ადამიანი და დაახლოებით 200 მდე დაიჭრა, მათ შორის 150 ადამიანი საავადმყოფოებში მძიმე მდგომარეობაში იმყოფება. 13 აპრილი ბელორუსში გლოვის დღედაა გამოცხადებული.
