სარეიტინგო კომპანია "Fitch"-მა საქართველოს ევროობლიგაციებს „B+" რეიტინგი მიანიჭა.
აღნიშნული რეიტინგი თანხვედრაშია ქვეყნის გრძელვადიან რეიტინგთან. კერძოდ, "Fitch"-მა, მიმდინარე წლის მარტში, საქართველოს გრძელვადიანი რეიტინგი - "Foreign and Local Currency Issuer Default Ratings" (IDRs) „B+"-ის დონეზე დაუმტკიცა და აღნიშნული რეიტინგის სტაბილური პროგნოზი პოზიტიურით შეუცვალა.
ამავდროულად, "Fitch"-მა განამტკიცა ქვეყნის მოკლევადიანი რეიტინგი -
Foreign Currency IDR" „B+"-ის, ხოლო „Country Ceiling" „BB"-ს დონეზე.
„Fitch "-ის მიერ მინიჭებული პროგნოზის პოზიტიური შეფასება საქართველოს ძლიერ ეკონომიკურ გამოჯანსაღებას ასახავს, შემცირდა ქვეყნის, როგორც ბიუჯეტის, ასევე მიმდინარე ანგარიშების დეფიციტი, ფინანსური სექტორი გაუმჯობესდა და პოლიტიკური რისკი შემცირდა.