ტურიზმის განვითარების ხელშეწყობის მიზნით ტელეკომპანია „CNN"-ზე საქართველოს სარეკლამო რგოლი დატრიალდება.
სარეკლამო კლიპის დასამზადებლად, მთავრობის სარეზერვო ფონდიდან 85 ათასი დოლარი გამოიყოფა.
საქართველოს ტურისტული პოტენციალის ამსახველ საპრეზენტაციო, 60
წამიან ქრონომეტრაჟის მქონე სარეკლამო რგოლს, ტურიზმის ეროვნული სააგენტოს დაკვეთით შ.პ.ს. „სტუდია მეტრო" დაამზადებს.
საქართველო და მისი ტურისტული პოტენციალი მსოფლიოს პირველი ტელეარხის ობიექტივში ხშირად მომხდარა.
გასულ წელს CNN-ის ობიექტივში ბათუმიც მოხვდა. გადაცემა "ინტერნეიშნლ აი-ლისტის" რეპორტაჟში, რომელიც არხის მილიონობით მაყურებელმა იხილა, იმ ტრანსფორმაციებზე იყო საუბარი, რომელიც ქალაქმა ბოლო ხუთი წლის განმავლობაში განიცადა. კომენტარში წამყვანმა ჯიმ ქლაინმა თქვა, რომ ბათუმის მსგავსი სასწაული სხვაგან არსად უნახავს.