სტამბულის ერთ-ერთი სასტუმროს ნომერში საქართველოს მოქალაქე მოკლული იპოვეს.
გავრცელებული ინფორმაციით, სასტუმრო "ბაჰარში" ნაპოვნია მამაკაცისა და ქალის ცხედრები. თურქული მედიის ცნობით, მოკლული ქალი 31 წლის როზა ისმაილოვაა, რომელიც საქართველოს მოქალაქეა.
არსებული ინფორმაციით, ისმაილოვას ახლო ურთიერთობები ჰქონდა სასტუმროს ადმინისტრატორთან. ამასთან, საუბარია იმაზეც, რომ ადმინისტრატორს კონფლიქტი ჰქონდა საქართველოს სამ მოქალაქესთან, რომლებიც სტამბულის ერთ-ერთ სასტუმროში მუშაობენ.
ვრცელდება ინფორმაცია, რომ აღნიშნულმა პირებმა წუხელ ღვიან ღამით დატოვეს სასტუმრო "ბაჰარი". თურქეთის პოლიცია მკვლელობაში სავარაუდო ეჭვმიტანილებად სწორედ საქართველოს ამ სამ მოქალაქეს მიიჩნევს და მათზე ძებნას აცხადებს.
