იუსტიციის სამინისტროს სამოქალაქო რეესტრის სააგენტოში სტაჟიორთა მორიგი ნაკადის მიღება დაიწყო.
სტაჟიორთა შესარჩევი კონკურსის შესახებ დღეს სამოქალაქო რეესტრის სააგენტოს თავმჯდოამრის მოადგილემ გიორგი გაბრიელაშვილმა ბრიფინგი გამართა.
მისი თქმით, ამ ეტაპზე სისტემაში მუშაობის სურვილი 2700-მა კონკურსანტმა გამოთქვა. ტესტირების შედეგად კონკურსის მეორე ეტაპზე 323 პრეტენდენტი გადავიდა.
სამოქალაქო რეესტრის სააგენტოს მუშაობის მარეგულირებელი კანონმდებლობის საკითხებთან დაკავშირებით ამ დროისთვის სტაჟიორებთან გასაუბრება მიმდინარეობს. ამ კონკურსის შედეგად 100-ზე მეტ სტაჟიორი შეირჩევა.
გასაუბრების ეტაპის წარმატებით გავლის შემთხვავაში კონკურსანტები სამოქალაქო რეესტრის სააგენტოს თბილისისა და რეგიონების ტერიტორიულ სამსახურებში ექვსი თვის განმავლობაში სამსახურის მუშაობის სპეციფიკას გაეცნობიან. შემდგომ მათ ჩაუტარებათ გასაუბრება, რის შემდეგაც სტაჟიორები სამოქალაქო რეესტრის სააგენტოს საკადრო რეზერვში ჩაირიცხებიან. ვაკანსიის არსებობის დროს კადრის შერჩევა სწორედ აღნიშნული კანდიდატებიდან მოხდება.
"სამოქალაქო რეესტრის სააგენტოში კადრების ცვალებადობა ბუნებრივი პროცესია, ამიტომ სამსახურში ხშირად ჩნდება ვაკანსია. სამოქალაქო რეესტრის სააგენტოს ადამიანური რესურსების მართვის სამსახურის ორგანიზებით, სტაჟიორთა შესარჩევი კონკურსები პერიოდულად 2007 წლიდან ტარდება. ამ დრომდე სისტემაში 225 სტაჟიორი შესაბამის თანამდებობაზე დაინიშნა", - განაცხადა გაბრიელაშვილმა.