როგორც თბილისის საკრებულოს "ქრისტიან-დემოკრატმა" წევრმა, ადამიანის უფლებების დაცვის კომისიის თავმჯდომარის მოადგილე ზაზა გაბუნიამ დღეს გამართულ პრესკონფერენციაზე განაცხადა, პირველი ინიციატივა ბავშვთა აღმზრდელობით დაწესებულებებში აღსაზრდელთა და აღმზრდელთა უფლებების დაცვის მიზნით სპეციალური შტატის გამოყოფას გულისხმობს, რომელიც კრიზისული ვითარების პრევენციას მოახდენს, ხოლო მეორე ასეთი ტიპის დაწესებულებების ფედერალური მართვიდან მუნიციპალურ მართვაში გადასვლას შეეხება.

"ომბუდსმენის ბოლო ანგარიშმა ნათლად აჩვენა ის მძიმე სურათი, რაც ბავშვთა სააღმზრდელო დაწესებულებებსა და მოხუცთა თავშესაფრებში არსებობს. წინა წლების მსგავსად პრობლემად რჩება პერსონალისგან აღსაზრდელთა მიმართ ძალადობის შემთხვევები, ჯანმრთელობისათვის საზიანო გარემო პირობები, ბავშვთა ექსპლუატაციის და მათი დისკრიმინაციის ფაქტები, მოხუცთა მედიკამენტებით დროული და სათანადო უზრუნველყოფის პრობლემა და ფსიქო-სოციალური რეაბილიტაციის ნაკლებობა",- განაცხადა გაბუნიამ.

საკრებულოს დეპუტატი აღნიშნულ ინიციატივებს სახალხო დამცველს, პარლამენტის ადამიანის უფლებების დაცვის კომიტეტსა და საერთაშორისო ორგანიზაციებს გადაუგზავნის.