14 აპრილს, 11:30 საათზე გერმანული სახლის საკონფერენციო დარბაზში (ელ. ახვლედიანის აღმართი 4, თბილისი). ბიოპროდუქტების ექსპორტზე სემინარი გაიმართება. სემინარი ევროკავშირი-საქართველოს ბიზნესსაბჭოს, საქართველოში გერმანიის საერთაშორისო თანამშრომლობის საზოგადოების ხელშეწყობით და ბიოლოგიურ მეურნეობათა ასოციაცია "ელკანას" დახმარებით გაიმართება და მისი თემა: "მესამე ქვეყნებიდან ევროკავშირის ბაზარზე ორგანული პროდუქტების ექსპორტის თავისებურებები".
სემინარი მიზნად ისახავს დაინტერესებულ პირებს მიაწოდოს ინფორმაცია ევროკავშირის ბაზარზე ორგანული პროდუქტების ექსპორტისათვის აუცილებელ ასპექტებზე. კერძოდ: ორგანული პროდუქტების წარმოების წესები ევროკავშირში; ორგანული წარმოების კონტროლის სისტემა ევროკავშირში; ორგანული პროდუქტების შეფუთვის, მარკირების, ტრანსპორტირების და დასაწყობების წესები ევროკავშირში და ევროკავშირის ბაზარზე მესამე ქვეყნებში წარმოებული ორგანული პროდუქტების იმპორტის წესები.
