ეროვნული არქივის რესტავრაციის ლაბორატორიაში 2011 წლის პირველ კვარტალში სარესტავრაციო და საკონსერვაციო სამუშაოები 7000 ფურცელს და 160 ფოტოკადრს ჩაუტარდა. ამავე პერიოდში დამუშავდა და შეკეთდა პირველი დემოკრატიული რესპუბლიკის ხელმძღვანელის ნოე ჟორდანიას პირადი ფონდის საქმეების დიდი ნაწილი.
რესტავრირებულია ლიტერატურისა და ხელოვნების განყოფილების 1208 ფურცელი და 8 აფიშა. აგრეთვე რესტავრირებულ დოკუმენტთა შორისაა: საისტორიო ცენტრალური არქივის მე-19 საუკუნის პერიოდის ხელნაწერი დოკუმენტები, რომელიც სამაჩაბლოს, კერძოდ, ცხინვალისა და მისდამი დაქვემდებარებული სოფლების ისტორიას ასახავს. A
ამ დროისთვის უკვე რესტავრირებულია ცნობილი ფოტოგრაფის ნიკოლოზ საღაძის ფოტოალბომიც, სადაც წარმოდგენილია მე-19-მე-20 საუკუნეების მიჯნაზე ქუთაისში, ალექსანდრე მიხაილოვის ფოტოატელიეში გადაღებული ეთნოგრაფიული ხასიათის სურათები.
მასალის გამოყენების პირობები