მხოლოდ ბოლო სამ დღეში ნატოს მოიერიშე თვითმფრინავებმა ლიბიაში 49 ტანკი, 9 ერთეული ჯავშანტექნიკა, 3 საზენიტო დანადგარი და იარაღის 4 საწყობი გაანადგურა.
ამის შესახებ საგანგებოდ გამართულ ბრიფინგზე თავად ალიანსის გენერალურმა მდივანმა ანდრეს ფოგ რასმუსენმა განაცხადა.
"9 აპრილიდან დღემდე ალიანსის მოირიშე თვითმფრინავებმა 300-ზე მეტი ფრენა შეასრულეს. შედეგად 49 ტანკი, 9 ერთეული ჯავშანტექნიკა, 3 საზენიტო დანადგარი და იარაღის 4 საწყობი განადგურდა. ასევე ტყვეობაში ავიყვანეთ ერთი სამხედრო თვითმფრინავი. ლიბიაში იარაღის ემბარგოზე კონტროლი ზღვიდანაც ხორციელდება",- განაცხადა რასმუსენმა.
ალიანსის გენერალური მდივნის შეფასებით, ლიბიის სახელისუფლებო პოზიციები ნატომ მნიშვნელოვნად დაასუსტა.
