ღონისძიებას დაესწრებიან საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი კობა სუბელიანი, შიდა ქართლის გუბერნატორი ზურაბ არსოშვილი, სოფლის მეურნეობისა სამინისტროს წარმომადგენლები. აგრეთვე, საქართველოში მოქმედი საერთაშორისო და ადგილობრივი არასამთავრობო ორგანიზაციათა ხელმძღვანელი პირები.

ეს სასოფლო-სამეურნეო ტექნიკის გადაცემის მესამე ეტაპია. ქეამ 2010 წლის მარტსა და ოქტომბერში უკვე გადასცა ტექნიკა სკრის, ბერბუკის, ახალსოფლის, კოდის, შაუმიანისა და ხურვალეთის მექანიზატორთა სერვისჯგუფებს. თითოეული ჯგუფისთვის მიწოდებული ტექნიკის კომპლექტის ღირებულებაა 130 00 აშშ დოლარი. პროექტის ფარგლებში აგრეთვე ხდება ჯგუფების მუდმივი ტრენინგი ბიზნესგეგმის შედგენის, ბუღალტერიისა და მსგავს საკითხებზე მათი ინსტიტუციონალური გაძლიერებისათვის. აღსანიშნავია, რომ მუშაობის დაწყებიდან აღნიშნულმა ჯგუფებმა ჯამში მიიღეს 70 682 ლარი (დაახლოებით 41 578 აშშ დოლარი) შემოსავალი. დღეისთვის 2000-მდე იძულებით გადაადგილებულმა პირმა და ადგილობრივმა ფერმერებმა ისარგებლა მათი მომსახურებით.