ფინანსთა მინისტრის მოადგილე გრიგოლ ბაიბურთი და ზესტაფონის მაჟორიტარი დეპუტატი კახა გეწაძე, ზესტაფონში საქველმოქმედო აქციის ფარგლებში მრავალშვილიან და სოციალურად შეჭირვებულ ოჯახებს დაეხმარნენ. პირველ ეტაპზე, აქციის ფარგლებში მოექცა ზესტაფონის კათარზისის სახლი, უფასო სასადილო და ყვავაძეების მრავალშვილიანი ოჯახი.
მომსახურების სააგენტოს ინფორმაციით, აქცია რამდენიმე დღეს გაგრძელდება. მის ფარგლებში სააგენტო და ზესტაფონის გამგგეობა, რაიონში დაეხმარებიან უსინათლოთა ასოციაციას, სადაც ოცდაათი უსინათლოა და დროებით უსახლკარო ოცდაათ ოჯახს, რომლებიც ცხოვრობენ სახელმწიფო საკუთრებაში არსებულ შენობებში.
აქციის ფარგლებში ზესტაფონის მუნიციპალიტეტს გადაეცა 1 000 კგ ლორი და ტანსაცმელი.
ფინანსთა სამინისტროს მომსახურების სააგენტო განაგრძობს საქველმოქმედო აქციებს სხვადასხვა რეგიონში.