დღეს თბილისის საკრებულოს სხდომა გაიმართა, რომელზედაც დეპუტატებმა დღის წესრიგით გათვალისწინებული 5 საკითხი განიხილეს. ამათგან ერთ-ერთი დედაქალაქის ორი ქუჩისთვის ახალი სახელის მინიჭებას ითვალისწინებდა.
ხელოვნების მუშაკთა თხოვნითა და საკრებულოს გადაწყვეტილებით, დიდუბე-ჩუღურეთის რაიონში მდებარე უსახელო ქუჩას მხატვარ ესმა ონიანის სახელი მიანიჭა, ხოლო საქართველოს კულტურისა და ძეგლთა დაცვის სამინისტროს ინიციატივით, ვაკე-საბურთალოს რაიონში მდებარე ცაგერის ქუჩას დები იშხნელების სახელი დაერქვა.
საკითხი განსახილველად საკრებულოს სახელდებისა და სიმბოლიკის კომისიის თავჯდომარემ ლაშა იმედაშვილმა გამოიტანა.
