პირის მიერ ჯარიმის და საურავის არგადახდის შემთხვევაში, სააღსრულებო ბიურო უფლებამოსილი ხდება, ავტოსატრანსპორტო საშუალებას ყადაღა დაადოს ან მისი რეალიზაცია მოახდინოს.
აღნიშნულთან დაკავშირებით ცვლილება შედის "ადმინისტრაციულ სამართალდარღვევათა კოდექსში".
მოქმედი კანონმდებლობით, საერთო სარგებლობის საავტომობილო გზებზე ყველა სახის ავტოსატრანსპორტო საშუალებით მოძრაობა, რომელთა თითოეულ წამყვან ან არაწამყვან ღერძზე მაქსიმალური დატვირთვა აღემატება 10 ტონას (გარდა ერთწამყვანღერძიანი ავტოსატრანსპორტო საშუალებისა, რომლის წამყვან ღერძზე მაქსიმალური დატვირთვა არ უნდა აღემატებოდეს 11,5 ტონას), ან სრული მასა - 44 ტონას, ან გადასაზიდი ტვირთის მასა - დამამზადებლის მიერ მოცემული ავტოსატრანსპორტო საშუალებისთვის დადგენილ ტვირთამწეობის ზღვარს, ითვალისწინებს ავტოსატრანსპორტო საშუალების ოპერატორის ანდა ავტოსატრანსპორტო საშუალების მესაკუთრის დაჯარიმებას თითოეულ ზედმეტ ტონაზე 500 ლარის ოდენობით.
წარმოდგენილი საკანონმდებლო ინიციატივით, თუ პირი არც ამ ჯარიმას და და არც ზედ დამატებულ საურავს არ გადაიხდის, კანონპროექტის თანახმად, სააღსრულებო ბიურო ჯარიმას იძულებით გადაახდვინებს - ავტოსატრანსპორტო საშუალებას ყადაღას დაადებენ ან რეალიზაციას გაუკეთებენ.
დღემდე მოქმედი ნორმით, ჯარიმის და საურავის გადაუხდელობისას შემთხვევაში მისი ამოღება სამართალდამრღვევის ხელფასიდან, პენსიიდან, სტიპენდიიდან ან სხვა შემოსავლიდან ხდებოდა.