სახალხო კრების წარმომადგენლები სოფელ დიღმის ყოფილ გამგებელს დავით ქობელაშვილს კორუფციაში ადანაშაულებენ.
სახალხო კრებამ სოფელ დიღომში დღეს საპროტესტო აქცია გამართა. მათ ჟურნალისტებს ადგილობრივი საბავშვო ბაღის დატბორილი ეზო აჩვენეს, შემდეგ კი ქობელაშვილის სახლთან გადაინაცვლეს.
სოფელში გზისა და წყლის პრობლემაც არსებობს, რომელიც ადგილობრივი მოსახლეობის არაერთი მცდელობის მიუხედავად ვერ მოგვარდა.
სოფელ დიღომში გამართულ აქციაში სახალხო კრების წარმომადგენლების გარდა მათი მხარდამჭერებიც მონაწილეობდნენ.
