სამსახურებრივი გულგრილობა ჯარიმით ან სამ წლამდე თავისუფლების აღკვეთით დაისჯება. აღნიშნულთან დაკავშირებით ცვლილება შედის "სისხლის სამართლის კოდექსში".
კანონპროექტის თანახმად, კოდექსს ახალი პრიმა მუხლი - "გულგრილობა" ემატება. საწარმოში ან სხვა ორგანიზაციაში ხელმძღვანელობითი, წარმომადგენლობითი ან სხვა სპეციალური უფლებამოსილების მქონე პირის მიერ სამსახურებრივი მოვალეობის შეუსრულებლობა ან არაჯეროვნად შესრულება მისდამი დაუდევარი დამოკიდებულების გამო, რამაც სახელმწიფოს კანონიერი ინტერესების არსებითი დარღვევა გამოიწვია, ჯარიმით ან სამ წლამდე თავისუფლების აღკვეთით დაისჯება. იგივე გულგრილობა თუ ადამიანის სიცოცხლის მოსპობას ან სხვა მძიმე შედეგს გამოიწვევს, ორიდან ხუთ წლამდე თავისფლების აღკვეთით დაისჯება.
კანონპროექტის ინიცირება დღეს ბიუროს სხდომაზე მოხდა.