სატრანსპორტო საშუალებების მძღოლები, რომლებიც დგომა-გაჩერების წესებს დაარღვევენ, 20 ლარის ოდენობით დაჯარიმდებიან. აღნიშნულთან დაკავშირებით ცვლილება "ადმინისტრაციულ სამართალდარღვევათა კოდექსში" შედის.
აღსანიშნავია, რომ მოქმედი ნორმით, საქვეითო გადასასვლელის გავლის, გზის სავალ ნაწილზე სატრანსპორტო საშუალებათა განლაგების, საგზაო ნიშნის ან გზის სავალი ნაწილის მონიშვნის ხაზების, ბუქსირების, გარე სანათი ხელსაწყოთი ან ხმოვანი სიგნალით სარგებლობის, მოძრაობის დაწყებისა და მანევრირების, სასწავლო სვლის, საცხოვრებელ ზონაში ან ავტომაგისტრალზე მოძრაობის წესების ანდა სამარშრუტო სატრანსპორტო საშუალების მოძრაობის პრიორიტეტის დარღვევისთვის, აგრეთვე მოტოციკლით ან სხვა სატრანსპორტო საშუალებით ჯგუფურ მოძრაობაში მონაწილეობისთვის ქალაქში ან სხვა დასახლებულ პუნქტში, რაც აფერხებს საგზაო მოძრაობას ან საშიშროებას უქმნის მოძრაობის უსაფრთხოებას მძღოლები დღესაც 20 ლარით ჯარიმდებიან.
თუმცა, კანონპროექტს თანახმდ აღნიშნულ ჩამონათვალს დგომა-გაჩერების წესების დარღვევაც ემატება.
კანონპროექტის ავტორები დეპუტატები პავლე კუბლაშვილი და ზვიად კუკავა არიან.
