მიმდინარე კვირაში, ფინანსთა მინისტრს კახა ბაინდურაშვილს პარლამენტში იბარებენ. აღნიშნული ინიციატივით დღევანდელ ბიუროს სხდომაზე პარლამენტის თავმჯდომარე დავით ბაქრაძე გამოვიდა.
ბაქრაძემ საფინანსო-საბიუჯეტო საპარლამენტო კომიტეტის თავმჯდომარეს ზურაბ მელიქიშვილს მიმართა და აღნიშნა, რომ საქართველოს მთავრობის მერ ევრობონდების გამოშვებას არის თემა, რომელიც აქტიურად შუქდება.
"ეს არის თემა, რომელიც ყველა ადამიანს აინტერესებს ვინც ამ ქვეყანაში ცხოვრობს, ასევე ეს არის ქვეყნისთვის ძალიან მნიშვნელოვანი ფინანსური საკითხი. ამიტომ მოგიწოდებთ ამ კვირის განმავლობაში ფინანსთა მინისტრი და მთავრობის წარმომადგენლები მოწვიოთ და ევრობონდების გამოშვების საკითხთან დაკავშირებით ღია მოსმენა გამართოთ", - აღნიშნა ბაქრაძემ.
ამასთან, პარლამენტის თავმჯდომარემ ისაუბრა იმ სიკეთეებზე, რომელიც ევრობონდების გამოშვებას მოჰყვება.
"შემიძლია დაგისახელოთ ერთი მნიშვნელოვანი პოზიტივი, კერძოდ კი ევრობონდების ვალდებულების გადახდის ვადა 2012წლის ნაცვლად 2021 წლამდე გადაიწევს და გამოთავისუფლებული 500 მილიონი შეგვიძლია დავხარჯოთ ჩვენი მოსახლეობისთვის, ეკონომიკაზე, დასაქმებაზე და პენსიების გაზრდაზე", - დასძინა ბაქრაძემ.
შეგახსენებთ, რომ წელს ფინანსთა სამინისტრო ახალ ევრობონდებს გამოუშვებს, რომელიც 2008 წელში გამოშვებული ევრობონდების რეფინანსირებას მოხმარდება. აღნიშნულთან დაკავშირებით პარლამენტმა "ვალის შესახებ" კანონში ცვლილებები გასულ კვირას უკვე დაამტკიცა.